kelangan talaga mayaman ang mapangasawa ko :p

Friday, April 11, 2008

Isang aral para sa mga mahilig magpanggap.

 

Maganda at maaga ang gising ko kanina.  Kung kahapon naglinis ako ng kwarto, kanina, nag-ambisyon akong itodo ang pagiging domesticated ko.  SO.  Kinuha ko ang plantsa at ang isa sa mga paborito kong blouse.

Isinaksak ko ang plantsa at inilagay sa "minimum heat."  Sabi ko, bakit kaya hindi umiilaw yung plantsa?  Eh di nilagay ko sa "maximum heat."  Hmmm….bakit kaya hindi pa rin umiinit?  Subukan ko kaya?  Eh di ginawa ko, ipinatong ko sa damit ko para malaman kung mainit na ba o hindi…ENG!

 

 

 

B I G   M I S T A K E. 

 

 

 

Nang makita kong umuusok yung damit ko, hindi na ko nagdalawang-isip batukan ang sarili ko.  Koryn, may pagka-shunga ka talaga minsan ano?!

Dahan-dahan kong ipinaghiwalay ang tela ng damit ko at ang plantsang umuusok, takot sa kung anumang makikita ko.  At, gaya nga ng inaasahan, eto ang kinalabasan–

 

 

A closer look…

Peace, man…hehehe…

Ang ebidensya…

 

 

So pagkatapos kong mahimasmasan at mapagtawanan ni Ate Ains, napagtanto ko…DAPAT TALAGA MAYAMAN ANG MAPANGASAWA KO!  Dahil puñeta, hinding hindi na ‘ko magpapanggap at hahawak ng plantsa kahit kelan!  Hahahaha!